انت يا أغلى الخلائق بالوجود
يا ربيع العمر يا وجه السعد
يا شذى عطر الخزامى و الورود
يا مزن يمطر بهتان و برد
يا نسيم الفل يا كاذي و عود
يا قمر يضوي حياتي للأبد
انت غالي و الغلى ماله حدود
ما هوى قلبي انا غيرك احد
انا احبك موت و اصون العهود
مستحيل اخلف بعهدي و الوعد
ليت قلبك باللقا دايم يجود
و تخلص النية و توفي بالعهد
يا للي حبك كل يوم عندي يزود
ربنا يحميك من اهل الحسد
في هواك مغرم يالظبي العنود
يا أعز الناس يا وجه السعد
//////////////////-
شعر / مصبح قاسم ابو عبدالله
