( بأعز نفسي )
بأعز نفسي و ابتعد عنك و أنساك
و أنسى غرام فيه جرح الكرامة
نفسي عزيزه غالية و اتحداك
لادوس قلبي لين ينسى غرامة
هذا التحدي ياصلك و يتعداك
لأبعد و أنسى حب قل احترامه
ما اذل نفسي لك و لو كنت أهواك
و لا تفتكر قدري باوطي مقامة
و لا ني بميت في غيابك و فرقاك
لو دمعتي بالخد سوت. علامة
ضيعت عمري في غرامك و رجواك
و على ضياع العمر ابكي ندامة
و انت السبب غيرت بالحب مبدأك
و بدلت بالأحزان احلى ابتسامة
طاوعت من ضيع املنا و أغواك
و صدقت عذالي و اهل الملامة
و اليوم ابعد روح قررت أنساك
و أنسى غرام فيه جرح الكرامة
//////////////////
شعر / مصبح قاسم أبو عبدالله
